Prime Minister-in Council of Ministers meeting ko

Prime Minister Narendra Modi chuan nizan dar 6 khan sorkar laipui flagship programme leh hmalakna hrang hrangah hmasawn dan thlirin Council of Ministers meeting a ko.

Meeting hi Parliament House-ah neih a ni a, BJP kaihhruai NDA sorkar minister-te an tel vek a ni. Hemi hma hian PM Modi chuan Union Cabinet meeting a kaihruai bawk.

Nizana meeting-ah hian PM hian a kaihhruai sorkarin flagship scheme a siam hnuaia hmasawnna kalpui dan hrang hrangte a thlir kir a, NDA sorkar kum tawpna hman mekah agenda turte an sawiho bawk.

Council of Minister meeting hi thla sarih hnuah neih leh chauh a ni a, hei pawh hi tunhnaia state hrang hranga by-election neiha BJP chet chhiat vanga koh a ni bawk nia sawi a ni. Meeting-ah hian ramchhung hmun hrang hranga loneitute harsatna tawh mek chungchang te, sorkarin kawng hrang hranga an harsatna phuhrukna tura hma a lak dante an

sawiho ang.