Maharashtra-in Covid vaccine late tan TV man theihna siam

Mipui tamzawk te'n Covid-19 vaccine an lak duhna atana hmalakna pakhat atan Maharashtra-a Chandrapur Municipal Corporation chuan vaccine la te tan LED TV, refrigerator aṭanga washing machine thleng man theihna vaccination bumper lucky draw an buatsaih.

November 12-24 inkara vaccination centre aṭanga vaccine late chuan heng lawmman dawn theihna remchang an nei dawn tih municipal corporation thuchhuah chuan Nilaini khan a tarlang.

Mipuite chawkphurthei zawnga hmalakna hi Mayor Rakhi Sanjay Kancharlawar kaihhruaina hnuaia rawtchhuah a ni.Civic commissioner Rajesh Mohite leh thuneitu dangte chuan mipuite chu vaccination centre-ah kal a, vaccine la vek turin an ngen.

November 12-24 inkara dose la te hi lucky draw-ah an tel dawn a, pakhatna-in refrigerator, pahnihna-in washing machine leh pathumna-in LED television an man thei dawn a ni. Heng bakah hian mi 10 hnenah consolation prize atan mixer-grinder an pe dawn tih civic body chuan a sawi.

Tun thleng hian Chandrapur khawpuia mi 1,93,581 te chuan vaccine dose khatna an la tawh a, mipui 99,620 te chuan dose hnihna an la tawh.Khawpui danga puitling vaccine la thei chin nena khaikhin chuan vaccine la zat hi an la tlem hle a ni.