Union Health Minister-in state/UT health minister-te meeting neihpui

Union health minister Dr Mansukh Mandaviya chuan 'Har Ghar Dastak' Covid-19 vaccination campaign chungchangah nimin khan state leh union territory health minister-te chu meeting a neihpui.

'Har Ghar Dastak' campaign hi sorkar laipuiin Covid-19 vaccine la thei chin, puitling hnena vaccine dose khatna leh dose hnihna a tam thei pek chhuah a nih theihna tura a hmalakna niin, November 2 khan he campaign hi kalpui ṭan a ni.

Nimina meeting-ah hian state/UT health minister tam zawk an tel thei a, sorkar laipui aiawhte pawh an tel bawk.

Health Minister chuan hri leng do hna thawh meknaa hmasawnna a awm zel theihna turin state leh UT zawng zawngte chu an thawhho ṭhat a ṭul thu a sawi a, vaccine la thei chin zawngte pek kim an nih ngei theihna tura hma lak a ngai a ni, a ti. District bil tana vaccine pek chhuah dan ruahmanna turin CoWIN chu hman theih a nih thu sawiin, "Covid hri leng hi a tawp dawnah kan ngai mai tur a ni. Khawvel huapin hri kai an pung thar leh a ni," a ti. Singapore, Britain, Russia, China-ahte vaccine la zat ṭhahnem hle mah se hri kai hi an pung leh nasa hle tih a sawi.