Assam Rifles motorcycle rally team-in Manipur thleng

Assam Rifles leh JAWA Motorcycles-ten India zalenna champha vawi 75-na puala Assam Rifles Motorcycle Rally an buatsaiha telte chuan Nilaini khan Manipur an thleng.

Rally team-ah hian rider 24 awmin, November 7 khan Silchar, Assam aṭangin an tlan chhuak a, hmarchhak state khawpuite tlawh kual vek an tum a ni. He rally buatsaihin a tum ber chu Assam Rifles-in hmarchhaka hel leh inlakhran duhtute pawl a beih letna te, hmasawnna hnathawh a thlawp zia leh hnathawhna huna ram tana nunna pe sipai huaisente tualchhung miten an hriatrengna atana zirtirna pekna atan an ti a ni.