MP-ah Kristian sakhuaa inleh tir tuma puh mi 9 man

Madhya Pradesh police-te chuan Vishwa Hindu Parishad (VHP) mi leh sa pakhatin complaint a thehluh behchhanin, Jabhua district-a tribal-te Kristian sakhuaa inleh tir tuma puh mi pakua an man. An zinga pasarih chu Rajasthan leh Gujarat lam mi an ni.

Police-te chuan Nilaini khan police station-ah complaint hi lutin, Jhabua district-a Manipur khuaah state pawn lam mite chuan tribal te chu Kristian sakhuaa inlehtir tumin an thlem tih an sawi tih an tarlang. Hei vang hian police team-te chu he khuaah hian kal nghalin, he hmuna rawngbawltu Rajasthan leh Gujarat aṭanga kalte bakah tualchhunga an thawhpuite chu an man nghal a ni.

Madhya Pradesh-a sakhaw inleh khapna dan, anti-religious conversion law hnuaiah mi 10 laka thubuai siamsak an nih thu leh, an zinga pakua chu an man thu Thandla sub-divisional officer of police (SDOP) MS Gavli chuan a sawi. Nilaini khan an mi mante hi court-ah hruaiin, court chuan jail-ah a lo thawn nghal tih a sawi.

VHP general secretary Milind Parande chuan Kristian missionary-te chuan tribal hnam tamna, Jhabua district-a chengte Kristian sakhuaa inlehtir tumin an bei tiha sawi a, hetiang dik lo taka sakhaw inlehtir tumte laka action la ngei tura an phut thu a sawi a ni.