Israel-ah Army Chief General Naravane a zin

Indian Army chief general MM Naravane chu ni nga cham turin nimin khan Israel-ah a zin a, security leh defence lama ram pahnihten thawhdunna ṭha leh zau zawk an neih theih dan turte a ngaihtuah ang.

General Naravane a zin hma hian external affairs minister S Jaishankar leh defence secretary Ajay Kumar-te pawhin Israel hi an lo tlawh tawh a, August thla khan air chief marshall RKS Bhadauria pawh a zin bawk a ni.

Official-te chuan Israel-a a cham chhungin General Naravane hian ram pahnih sipaite thawhdunna tihchak dan sawipuiin, Israel sipai hotu lu ber pawh a be dawn tih an sawi. Defence lama inzawmna ṭha zawk siamna turin, kar liam ta khan India leh Israel chuan drone, robot, artificial intelligence leh quantum computing siamdunna tur inremna an lo ziak tawh a ni.