TN CM-in loneitute tan relief package siam

Tamil Nadu chief minister MK Stalin chuan tunhnaia an state chhunga ruahsur nasa tak avanga kawngpui, canal leh infrastructure chhiate siamṭhatna turin cheng vaibelchhe 300 ruahman a nih thu nimin khan a sawi. Hei bakah hian ruahsurin an thlai chin a tihchhiat sak, loneitute chhawmdawlna pek a ni dawn tih a sawi bawk.

Chief Minister chuan ruahsurin an thlai chin a tihchhiatsakte chu ram hectare khatah chhawmdawlna Rs 20,000 zel pek an ni dawn tih a sawi a, thlai chite pawh a thlawnin pek an ni leh dawn bawk a ni, a ti.

Pathianni khan CM hian Cauvery Delta district-a ruahsur leh tuilianin thlai chin a tihchhiat dante chu a enkual a, sorkar laipui hnenah pawh chhawmdawlna pe tura an dil tur thu a sawi.