Modi-an Singapore passport hmangin Brussel a pan

Punjab National Bank (PNB) a sum tam tham tak tihchingpennaa mawhphutua puh, tlereuha sumdawng lian Nirav Modi chu London-ah inhumhimna dilin a awm nia sawi a nih hnuah, Nilainin khan Singpaore passport hmangin Brussels, Belgium lam a pan leh nghal nia sawi a ni.

Modi-a London-ah a awm nia sawi a nih hnuah, Indian High Commisison chuan a chungchang hi British sorkar hnenah a zawtfiah a, chhanna a nghah mek laiin Brussels lam a pan leh nia report a awm leh a ni. Modi-a hian Indian passport hmang loin Singapore passport a hmang a, UK-ah hian zalen takin a lutin a chhuak thei nia sawi a ni bawk.

Central Bureau of Investigation (CBI) chuan Interpol hnenah Nirav Modi leh a unaupa, Belgian khua leh tui nihna nei Nishal te laka red corner notice tichhuak turin a lo ngen tawh a, Thawhlehni khan Mumbai special court chuan Modi leh a chhungte lakah hian non-bailable warrant a tichhuak bawk a ni.