Indian Railways-in rel pindan COVID Care Centre-ah siam

Indian Railways chuan Covid-19 kaite enkawlna leh dahna hmun tur atan, rel pindan 10 nei chinah state thuneitute rawn chhunga COVID Care Centre an siam thu a tarlang.

Rel pindan pakhat zelah hian mi 16 awm thei tura ruahman a ni a, centre atan hian rel pindan 231 siam a nih thu Indian Railways chuan a tarlang bawk. He centre siamah hian Health and Family Welfare Ministry-in Covid-19 kaite enkawl dan tur a siam zulzuiin hri kaite enkawl an ni dawn a, mahse hri kai zinga dinhmun ngaihtuahawm lote tana siam a ni. 

A bikin Delhi, Uttar Pradesh leh Telangana chuan Railway ministry hnenah hian rel pindana COVID Care Centre siam hi a lo dil tawh a ni. 

Ram chhunga Covid-19 kai an pun zel avangin hri kaite dahhran an ngai a, hei vang hian a dahhranna hmun tur atan hian rel pindan siam chu a ngaih phah ta a ni.