State pariat-in AB-NHPM hmang ve leh dawn

Sorkar laipui health insurance scheme, Ayushman Bharat–National Health Protection Mission (AB-NHPM) chu hmang turin state pariatte chuan Union Health Ministry chu Memorandum of Understanding (MoU) an ziahpui ve leh.

MoU ziak thar state pariatte nen hian AB-NHPM hmang tur hi state 20 an tling tawh a ni. He scheme hmang hian ramchhunga chhungkaw rethei zawk vaibelchhe 10-te chu kum khat chhunga damdawi lama an inenkawlna senso cheng nuai nga thleng sorkarin a tumsak thei dawn a ni.

Union Minister of Health JP Nadda chuan AB-NHPM kalpui tur state an pung zel chu lawmawm a tih thu a sawi a, Prime Minister Narendra Modi-a chungah a lawm thu sawiin, a hmalakna hian ramchhunga healthcare kalphung a thlak danglam tur thu a sawi. State-ten an tel ṭhat chuan scheme chu a hlawhtling dawn a ni, a ti.

Delhi, Odisha, Punjab leh West Bengal te chuan he programme an kalpui dawn leh dawn loh chungchang hi an la sawilang lo a, state thuneitute chu an la sawipui dawn tih minister chuan a sawi.