Ram pali tlawh turin Swaraj-i zin chhuak

External Affairs Minister Sushma Swaraj-i chu Europe ram pali–Italy, France, Luxembourg leh Belgium-te tlawh turin nimin khan a zinchhuak.

Minister Swaraj-i hian June 17-23 chhungin heng ram pali-te hi a tlawh kual dawn a, ram hruaitute kawmin India nena inzawmna leh thawhdunna ṭha zawk siam dan turte a sawipui dawn a ni. Swaraj-i hian Italy a tlawh hmasa ber dawn a, Italy PM atana Giuseppe Conte lakluh a nih hnuah ram pahnihten inbiakna pawimawh an neih hmasakna ber tur a ni. June 18-19 chhungin France a tlawh leh ang a, Paris-ah France foriegn minister Jean-Yves Le Drian nen inkawmin, ram pahnihte inlaichinna chungchangte an sawidun ang.

June 19-20 chhungin Luxebourg a tlawh dawn a, India external affairs minister ni tawh zinga Luxembourg ram tlawh hmasa ber tur a ni. A cham chhung hian Grand Duke of Luxembourg Henri Albert Gabriel Flix Marie Guillaume leh Prime Minister Xavier Bettel-te a hmu ang. A hnuhnung berah Swaraj-i hian Belgium tlawhin, June 20-23 chhung a cham dawn a ni.