Telangana sorkarin district tinah Child Protection Unit din dawn

Telangana sorkar chuan an state chhunga district tin, district 31-ah naupangte dikna chanvo humhalhna tura beitu tur 'District Child Protection Units (DCPU)' a din vek dawn.

Senior official-te chuan district 10-ah DCPU hi din a ni tawh tih sawiin, district dangah pawh din belh vek a ni dawn tih an sawi. Hemi atan hian sorkar hnenah pawh rawtna thlen a ni tawh a, unit dinna tur leh staff lakna turte pawh sanction a ni tawh bawk niin an sawi.

Child Protection Unit-te naupangte dikna chanvo humhalh sakna tura thawkin, naupangten tihnawmnah an tawh ṭhinte veng turin hma a la dawn bawk niin Women and Children welfare department Secretary M Jagadeeshwar chuan a sawi. Thla li chhugnin district tinah hian unit hi an din fel hman beisei anih thu a tarlang bawk.