BPL te buhfai leh wheat man tlawmin lei tir dawn

Union minister Prakash Javadekar chuan nimina cabinet briefing neihnaah thla thum chhung chu ramchhunga mirethei, below poverty  line (BPL) vaibelchhia 80-te tan wheat kg khat Rs 2 leh buhfai kg khat Rs 3 in leitir an ni dawn tih a sawi. 

Hri leng darh zel tur venna atana sorkar laipuiin ni 21 chhung rampum kharkhip (complete lockdown) a puan hnuah, minister chuan mi rethei zawkte tan ei leh in tur lamah thlaphanna tur a awm lo tih a sawi. Chiai buaia inlei khawl chiam lo turin mipuite a chah.  Contractual labourer-te pawh an hlawh pek vek an ni dawn tih a sawi bawk. 

Minister chuan mipuite chu sorkar thu zawm a, pawn chhuak lo tur leh kut sil  ngai pawimawh turin a ngen. Chiai buai mai lo a, lockdown chu chhungkuaa inkawmkhawmna hun atana hmang turin a ngen.

Ministry of Health and Family Welfare Covid-19 record :

Hri kai zat    -    415

Thihpui    -    8

Enkawl dam    -    27