Mipuite mamawh thlithlai reng turin state sorkarte chah

Union Home Ministry chuan rampumah lockdown puan a nih avang­in, mipuite mamawh en thlitlai reng turin leh mamawh ­chakkhai (essential commo­dities) indaih lohna a awm em tih enfiah reng turin state sorkarte chu a chah.

State-a chief secretary-te leh DGP-te chu ṭang tlang a, theihtawpa mahni awmna state a hma la turin Home Mi­nistry chuan a chah a, state chhunga buaina thleng thei te pawh thlitlai reng turin  a chah bawk. Heng bakah hian damdawi, mamawh chakkhai (essential commodities) leh thil ṭul danga state chhunga indaih lohna emaw thlakchhamna thleng thei en thlithlai reng turin Home Ministry chuan chief secretary-te leh DGP-te chu a chah bawk a ni.

Home Ministry chuan Disaster Management Act, 2005 chu ram pum­ah kenkawh a nih thu tarlangin, he act hnuaiah hian state sorkar leh Union Territory administrator-te chu an state emaw bial chhung­a chaw, damdawi leh ṭul dangte ngaihven tura mawhphurna pek an ni. Lockdown chhunga mipuite laka hmalak dan tur guideline fel tak siam turin leh information dik tak ngaihven reng turin HM chuan chief secretary-te leh DGP-te chu a chah bawk.