Broadcasting Ministry-in Ads in nghawng a neih dan zirchiang dawn

Ministry of Informaton and Broadcasting chuan sorkarin advertisement a tichhuah ṭhinin mipuia nghawng a neih dante zirchian a tum.

Kum 2019 Lok Sabha inthlanpui neih tur thlirin, sorkar laipui chuan kum li kalta chhunga a hnathawh leh hlawhtlinna neih hrang hrangte mipuite hriata puanzar a tum a ni.

Sorkar laipuiin ministry, deparment, public sector firm leh autonomous organistation hrang hrang hminga advertisement a tihchhuah ṭhinah Directorate of Advertising and Visual Publicity (DAVP) chu nodal agency a ni. Sorkar advertisment-te hi media platform hrang hrang, print leh visual media-ahte tihchhuah ṭhin a ni.

Ministry-in zirchianna a neih aṭang hian sorkar chuan advertisement a tihchhuahin mipuia nghawng lian zawk a neih theih dan leh, eng medium nge a hman tur tihte a hre thei dawn a ni.

DAVP hian kum 2016-17 chhung khan sorkar policy, scheme, project leh event hrang hrang chungchang media kaltlanga advertisement a tihchhuah manah cheng vaibelchhe 1,286 a seng niin Rajya Sabha-ah tarlan a lo ni tawh. Kum 2015-16 chung khan advertisement man atan hian cheng vaibelchhe 1,188.85 sen a ni a, kum 2014-15 ah cheng vaibelchhe 998.34 sen a ni bawk.