J&K-ah firfiak pahnih kaphlum

Jammu and Kashmir-a Bandipora district-ah nimin khan security force-ten firfiak pahnih an kaphlum.

Sorkar laipui chuan J&K-ah hian Muslim ho thla serh, Ramzan thla pualin inkahhai a puang a, mahse Pathianni khan inkahhai hi pawhsei a ni dawn lo tih sawiin, firfiakte lakah beihpui thlak chhunzawm leh nghal a ni dawn tih a sawi a ni.

Army official chuan nimin kha security force-ten Bandipora district-ah firfiak an awm tih thu an dawn avangin beihpui an thlak leh nghal niin a sawi. Firfiak pahnih kaphlumin, midang pawh an zawn chhunzawm zel thu a sawi. An firfiak kahhlum hi eng pawl mi nge tih erawh hriat an la ni lo.

Security force-te chuan Kashmir Valley-a hmun hrang hrangah check point an siam a, motor lut leh chhuakte uluk takin an endik a ni. Ramzan thla puala inkahhai puan lai khan khawpui chhungah security force-te chuan ṭum eng emaw zat beih an tawk a ni.