UN-in lockdown puan a thlawp
Prime minister Narendra Modi-a'n Covid-19 darh tur venna atana Thawhlehni zanlai aṭanga ni 21 chhung atana India ram pum kharkhipna tur a puan chu United Nations (UN) chuan a thlawp thu a sawi.
UN multimedia news service, United Nations News-ah he thu hi tarlangin, January 22-a India ram puma Janata Curfew puan pawh kha ṭha an tih thu an tarlang. Hri darh zel tur venna atana chak tak leh khawng taka hma la turin sorkar a ngen nghal bawk.
WHO Emergencies Programme Director Mike Ryan chuan Thawhṭanni khan India ram chu mihring tamna ram a nih avangin hri darh tur venna kawnga chak zawka hma lak a ngaih thu a lo sawilang tawh a ni. India sorkar chuan mipuite nena an thawhhona hmangin small-pox leh polio pawh an lo umbo thei tawh a, hei vang hian hri leng umbona kawng tur hian theihna a nei a, kawng kawhhmuhtu a ni thei a ni, a ti.