UNESCO Board-ah India ruat nawn leh

United Nations Educational, Scientific and Cultural Organization (UNESCO) executive board member-ah India chu kum 2021-25 term atan thlan nawn a ni.

Ningania inthlan an neihah India chuan vote 164 a hmu a ni. Group IV Asian and Pacific state-ah India bakah Japan, Philippines, Vietnam, Cook Islands leh China-te pawh thlan tlin an ni bawk.

UNESCO Executive Board hi UN agency-a constitutional organ pathum (a dang pahnih te chu General Conference leh Secretariat) zinga mi a ni a, General Conference-ah an thlang ṭhin a ni.

General Conference hnuaiah hian board chuan organisation hnathawh tur leh Director-General-in budget estimate a thehluhta an ennawn leh ṭhin a ni.

UNESCO website tarlan danin, member state 58-te hian kum li atan an thlang ṭhin.