Migrant camp-a US hman remti dawn lo

US President Donald Trump chuan US chu pemlutte awmkhawmna, migrant camp-ah hman a remti dawn lo tih sawiin, a kaihhruai sorkar chuan dan loa an rama pem lutte dapchhuah hna a thawh chhunzawm zel dawn tih a sawi.

White House-a thu a sawiah President Trump chuan, "United States hi migrant camp a ni ngai lo ang" tiin, raltlante tawmkhawmna tur hmunah an siam dawn lo tih a sawi bawk.

Trump chuan Europe leh hmun dangah raltlan leh pem lutte avanga harsatna thleng mek ang chu an rama a thuneihna hnuaiah an rama a thlen ve a remti dawn lo tih a sawi. Germany Chancellor Angela Merkel chungchang pawh sawichhuakin, pem lutte chungchang avang hian an ram mipuite chuan an hruaitute chu an huat phah a ni, a ti. Gremany interior minister Horst Seehofer chuan EU ram danga inhumhimna dila inziakluh tawh, pemlut tumte chu an rama lakluh loh a duh a, hei hi Merkel-i ngaihdan ni loin an minister nen pawh a inkar boruak pawh a chhiat phah a ni.