Parliament-a tihfel hma chu nawrh kan titawp dawn lo : Rakesh Tikait

Prime Minister-in Farm Law sut a nih tur thu sawi mah se, loneitu pawl hrang hrang inzawmkhawmna, Bharatiya Kisan Union (BKU) hruaitu Rakesh Tikait chuan heng dan sutna tur hi Parliament-ah tihfel vek a nih hma chuan nawrh an huaihawt chu an tihtawp rih dawn lo tih a sawi ve nghal.

Rakesh Tikait chuan Farm Law pathumte sut an ni tur chu loneitute tana hnehna ropui tak a ni tiin, an hnehna chu nawrh huaihawt chhunga loneitu thi ta mi 750 chuangte tan an hlan tih a sawi. Tikait chuan sorkar laipui chu MSP Guarantee Act siam tura an phut thu a sawi nghal bawk.