SKM-in kawngzawh kaltlangpui tum

Loneitu pawl, Samyukt Kisan Morcha chuan sorkar laipuiin farm law pathum sut dawn mah se, November 29-a Parliament pana kawngzawh huaihawt an lo tum tawh chu an kaltlangpui dawn tho tih an sawi.

November 26-a farm law duh lohna lantira nawrh an huaihawt champha kum khat tlinna tur pualin loneitute hian Parliament Winter session ṭanni, November 29-a Parliament pana kawngzawh hi an lo tum lawk tawh a ni.

Loneitu pawl hrang hrang inzawmkhawm, Bharatiya Kisan Union (BKU) media in-charge Dharmendra Malik chuan Singhu border-a core committee meeting an neihah, Parliament-ah farm law pathumte hi sut a nih chuan a hmaa programme an lo duan lawkte chu kaltlangpui an tum tih a sawi. November 29 hian condolence meeting an nei leh dawn a, hetah hian an awm zel dan tur chu an ngaihtuah dawn tih a sawi.