India ram khawpui fai berah Indore thlang leh

‘Swachh Survekshan 2021’ hnuaia union ministry of housing and urban affairs-in India ram khawpui fai a thlanah Indore pakhatna a ni a, a zawnin kum nga khawpui fai berah thlan a ni tawh. Surat leh Vijaywada khawpui ten an dawt. State fai berah Chhattisgarh thlan a ni bawk.

President Ram Nath Kovind chuan Inrinni liam ta khan New Delhi-a Vigyan Bhavan-ah lawmman hi a hlan a ni.

Ministry chuan rampum huapa cleanliness survey hi ni 28 chhungin khawpui 4,320-ah neih a ni a, mi vaibelchhe 4.2 chuangin feedback an pe tih a sawi.

Kum 2021 chhunga khawpui fai thlan chhuaha a sang zual 10-te chu -
1. Indore
2. Surat
3. Vijaywada
4. Navi Mumbai
5. Pune
6. Raipur
7. Bhopal
8. Vadodara
9. Visakhapatnam
10. Ahmedabad