Rajasthan cabinet siksawi, minister thar 15 a lalut

Rajasthan chief minister Ashok Gehlot chuan a cabinet siksawiin a tilian a, nimin khan minister 15 lakluh thar an ni a, an zinga 11 chu cabinet minister leh mi pali chu minister of state atan lakluh an ni.

Minister lakluh thar zinga panga chu nikuma CM Gehlot leh deputy chief minister hlui Sachin Pilot inkar boruak ṭha lo avanga an buai laia Pilot thlawptute an ni. Minister thar zingah hian Dalit hnam pali, tribal pathum leh hmeichhe pathum an tel.

Pilot hi eng chanvo nge pek a nih dawn sawi a la ni lo a, mahse party lam hotuten mawhphurhna an pek ang chu a pawm zel tur thu sawiin, kum 2023 leh 2028-ah pawh party tana nasa zawka a beih tur thu a sawi.