Kejriwal-a hriselna dinhmun ṭha lo

Delhi Chief Minister Arvind Kejriwal-a chu Lieutenant Governor chenna, Raj Niwas-ah ni kua zet nawrh a huaihawt tawh avangin a hriselna dinhmun a ṭha vak lo a, nimina meeting a neih tur pawh a ṭhulh vek nia sawi a ni.

Kerjiwal-a hian Delhi IAS officer-te Delhi sorkar laka an nawrh titawp tura nawrh turin LG Anil Baijal chu a ngen a, a thil phut nawrna atan hian LG office leh chenna in ni nghal bawk, Raj Niwas-a guest room-ah nawrh huaihawtin a awm zui a ni. Zing leh tlaiak taksa sawizawiin a tei chhuak lo a, a thil ei a mumal lo bawk a, hei vang hian a blood sugar pawh a sang hle nia sawi a ni.

Kum 49 mi, Kejriwal-a hi zunthlum nei a nih avangin a invawng uluk ṭhin a, nikhatah darkar khat tal ke-a kalin, a ei tur pawh uluk taka siam a ni ṭhin. Mahse a nawrh huaihawt avang hian hengte hi a zawm thei lo a, a hriselna pawh a tlakhniam phah hle a ni.

LG office-a nawrh a huaihawtah hian a minister pathumten an ṭawiawm bawk a, kar kalta Thawhṭanni aṭang khan LG office hi an chhuahsan duh lo a ni.

Delhi-a rorellai, Aam Aadm Party (AAP) chuan February 19-a Kejriwal-a ina meeting an neih ṭumin Chief Secretawry Anshu Prakash-an kutthlak leh ankhum a tawk nia a sawi vangin, IAS officer-te chuan Delhi sorkar chu an thawhpui duh tawh lo niin a sawi. Minister-ten meeting an kohahte IAS officer-te hi an kal duh loh vangin sorkar hnathawh pawh a bahhlah phah hle a ni.