MP minister-in cow ministry siam rawt

Madhya Pradesh cabinet minister Akhileshwaranand chuan bawng humhalh leh ṭha zawka enkawl an nih theihna turin state sorkar chu cow ministry siam tura a duh thu a sawi.

Cow Protection Board chairman ni bawk, Akhileshwaranand hi kar hmasa khan cabinet rank-ah hlankai a ni. Cabinet-a hlankai a nih ṭum pawh hian Madhya Pradesh Cow Protection Board (MPCPB)-a a dinhmun chelh avangin a phu hle niin a insawi a ni. 

Hemi hnu hian an state-a bawngte chuan humhalh leh enkawl ṭhat an phu a ni tih sawiin, "Madhya Pradesh sorakr hnenah chuan cow ministry siam tur hian ka ngen a ni. Chief Minister Shivraj Singh Chauhna pawh hi loneitu a ni a, hetiang dinhmun chelh thei tur hian keini mipuite hian kan pui a ni. Ka thil rawt hi mipuite pawhin min thlawp a ni", a tibawk.