PM Modi hoin Yoga Day hmang

International Yoga Day vawi li-na chu nimin khan ramchhung hmun hrang hrangah hman a ni.

Prime Minister Narendra Modi chuan Dehradun-a Yoga Day hmannaah a telpui a, he hunah hian mi 50,000 dawn an tel a ni. Union minister-te pawhin hmun hrang hrangah Yoga Day hi an hmanpui a ni. Modi chuan Yoga la ti ve ngai lote chu an rinhlelhna te dah thla a, ti ve chhin turin a sawm. 

"Yoga hi pumkhata min siamtu a ni. Ram hrang hrang mipuite pawhin Yoga hi an pawm a, an hman dante pawh hmuh theihin a awm a ni" tiin, Yoga chu taksa leh rilru hriselna atana thil pawimawh tak a ni, a ti.