India ramah mahni intihlum an pung

India ramchhungah kum 2000–2015 chhungin mahni intihlum 23% zetin an pung a, mahni intihlum zinga a tam ber hi kum 30-45 inkar an ni a, a dawttu chu kum 18-30 inkar an ni tih National Health Profile data tihchhuah chuan a tarlang.

Kum 2015 chhungin mahni intihlum hi 1,33,623 an awm a, kum 2000-ah chuan 1,08,593 an awm a ni. Intihlum zinga 33% chuang (mi 44,593) chu kum 30-45 inkar an ni a, kum 18-30 inkar 43,852 an awm bawk. Kum 2015 chhunga mahni intihlum zingah kum 14 hnuai lam leh kum 14-18 inkar hi 1% leh 6% an awm a, kum 60 chunglam 7.77% an awm bawk a ni. Mahni intihlum zingah hmeichhia aiin mipa an tam a, kum 2015-a mahni intihlum zinga mi 91,528 chu mipa an ni.