Lalu Prasad-an bail pawtsei turin dil

Rashtriya Janata Dal (RJD) hotu leh Bihar chief minister hlui Lalu Prasad chuan a provisional bail chu thla hnih dang pawhsei belh turin a ngen.

Lalu Prasad hi a chief minister laia central sorkar ranchaw man pek sum tam tham tak tichingpena puhna thubuaiah thiam loh chantirin, nikum December 23 khan Birsa Munda Central Jail-ah tantir a ni. Mahse May thla khan Jharkhand High Court chuan a hriselna ṭhat tawk loh vangin kar ruk chhung atan bail-in a chhuahtir a ni.

Prasad hian nimin khan cour-tah petition thehlutin, a hriselna dinhmunin ṭhat lam a la pan loh avangin a bail hi thla hnih dang pawhsei sak turin a ngen. A ukil Prabhat Kumar pawhin Prasad hi Mumbai-a Asian Heart Institute-ah enkawl a ni a, a medical report-ah pawh ngai awh leh turin thla hnih a mamawh tur thu pawh tarlan a ni, a ti.