US-a detention centre-ah India mi 100 dawn hreng
US-a immigration detention centre-ah dan loa US-a lut, India mi 100 dawn hren an ni a, an zinga a tam ber chu Punjab mi an ni.
India mi hrente hi US chhim lam ramri kaltlanga dan loa lutte an ni a, an zinga mi 40-45 vel chu New Mexico-a federal detention centre-ah hren ni, mi 52 chu Oregon-ah hren an ni. US-a Indian Embassy chuan heng centre pahnihte hi an bepawp tawh tih sawiin, consular official-in Oregon detention centre hi a tlawh a, New Mexico ami tlawh tur pawh tirh a ni dawn tih a sawi.
India mi hren zinga a tam zawk hian an awmna rama tihduhdah leh tharum thlawhna an tawh ṭhin chhuanlamin US-ah hian inhumhimna an dil a ni.