Odisha CM-in a thlawnin buhfai sem Thla 8 chhung chhunzawm turin PM a ngen

Odisha chief minister Naveen Patnaik chuan prime minister Narendra Modi hnenah Pradhan Mantri Garib Kalyan Anna Yojana (PMGKAY) hnuaia a thlawna mi retheite hnena buhfai semchhuah kalpui chu an state-ah thla riat dang chhunzawm turin a ngen.

Covid-19 hri leng vanga PMGKAY hnuaia Odisha-a thla sarih chhung, May - November, 2021 inkara a thlawna buhfai sema nih avangin sorkar laipui chu lawmthu hrilhin, CM Patnaik chuan hripui leng karah pawh mi rethei leh dinhmun harsa zawkte pawhin chaw ei tur an nei thei a ni, a ti. Hemi rual hian hri leng a kiam a, boruak a pangngai chhoh hma chu he ruahmanna hi kalpui chhunzawm tura ngenin, sorkar chuan buhfaite hi a ngah tawk avangin thla riat dang tal a thlawna sem chhunzawm leh turin PM a ngen a ni.