Odisha sorkarin thingtlanga project kalpuina tur sum dah

Odisha sorkar chuan thla thum chhunga an state chhung thingtlang khaw hrang hranga hmasawnna hna thawhna tur atan cheng vaibaibelchhe 319 a dah.

Thingtlang khaw hrang hrang tana development project siam hi 'Ama Gaon Ama Bikash Yojana' hnuaia thawh a ni dawn a ni. He Yojana hi March 5 khan ṭan niin, block-levela thawh ṭan a ni. Block 53-a panchyaat 1,300 hnuaiah project 12,225 pawm a ni tawh.

Chief Minister Naveen Patnaik chuan Inrinni khan district pathum-a block pali-a panchayat 88 hnuaiah project 700 thawhna atan cheng vaibelchhe 19.43 pek a nih thu a sawi. State sorkar chuan Yojana tana fund pekchhuakte chu langtlanga kalpui a ni dawn tih sawiin, CM chuan project thawhna hmuna mipuite pawh video-conferencing hmangin a sawipui ṭhin tur thu a sawi.