Damlo kal rua puh vangin private hospital khar

Uttar Pradesh-a Muzaffarnagar khuaa private hospital pakhat chu an hospital-a thawk doctor-in damlo kal (kidney) a ruksak nia puh a nih vangin kharsak a ni.

Damlo Iqbal-a chhungte chuan police-ah complaint thehlutin, kum 60 mi Iqbal-a hi Zirtawpni khan a kal-a lungte awm zai turin damdawi-inah hian dahluh a ni a, mahse amah zaitu Dr Vibu Garg chuan a kal hi a laksak tel nghal niin an sawi. Doctor-in kal a ruksak hi icebag-a thukruk pawh an hmu niin an sawi.

Chief Minister Officer chuan complaint thehluh vang hian Inrinni khan Uttar Pradesh Health department chuan hospital hi a kharsak nghal a, thil awmdan chhui chiangtu tur team pawh din nghal a nih thu a sawi. Police-te pawhin thil awmdan hi an chhui nghal a, doctor an puh leh hospital-a staff pathumte lakah thubuai an ziaklut nghal a ni.