JNU-in 'Islamic terrrorism' course siam leh dawn lo

Jawaharlal Nehru University (JNU) chuan Islamic terrorism chungchanga course siam a tum chu university academics leh zirlaite bakah pawl hrang hrangin an dodal avangin a ṭhulh leh.

Delhi Minorities Commission chairman Zafarul Islam Khan chuan JNU thuneitute chuan 'Islamic terrorism' course kalpui tumna a awm lo nia an hrilh thu a sawi. Commission chuan JNU hnenah hian Islamic terrorism course aiin, mi ṭhenkhatin sakhaw hrang hrang an hmansual dan chungchang zirchianna course kalpui zawk tura rawtna an siam thu a sawi. Hemi rual hian he course hi kalpui a nih chuan sakhaw pahnih khat chauh thlur bing lo a, sakhaw hrang hrangte huam tir a ni tur a ni, a ti. He course hmang hian firfiaka chetna chungchang zirchianna pawh a neih theih ang tiin a sawi.