Indian Army Major Nikhil Handa-a man

Police-te chuan Indian Army major nupui, Shailja Dwivedi thattua puha Army Mayor Nikhil Handa chu nimin khan Meerut-ah an man.

Major Handa hi Shailja Dwivedi leh pasal ṭhian ṭha tak a ni a, Dimapur-ah a post a, Shailja Dwivedi-i hi thah a nih hmain Handa nen hian hmu dun a, chu chu an hmuh hnuhnung ber an nih avangin thu zawhfiah turin man a ni.

Shailja hi Inrini khan Delhi-a Brar Square area-ah a ruang hi hmuh a ni a, a nghawngah zai a ni. A tirah chuan a chesual nia ngaih a ni a, mahse a hnuah police-te chuan tualthah thubuai an ziak lut a ni. Media report chuan Shailja hian chawhma dar 10 velah physiotherapy session nei turin in a chhuahsan a, a hnu darkar khat velah a ruang hi hmuh a nih thu an tarlang. Damdawi-inah hian a pasal official motor-a hruai a ni a, driver hian hospital kawt thleng a thlah a, a hnuah a va lam tur chu hospital lam chuan physiotherapy session nei turin mayor nupui hi a inlan lo tih an lo hrilh a ni. A hnuah khawlaia ruang hmuh a nih thu police-te hriattir an ni a, he ruang hi a pasalin a endik hnuah Shailja ruang a ni tih hriat a ni ta chauh a ni.