Modi-an Vajayee a tlawh

Prime Minister Narendra Modi chuan New Delhi-a All India Institute of Medical Sciences (AIIMS)-a enkawl mek, PM hlui Atal Bihari Vajpayee chu Pathianni zan khan a tlawh.

PM Modi hian zan dar 9:05 velah damdawi-in hi thlengin, minute 20 vel a awm a ni. Damdawi-in lam hian Vajyapee dinhmun chungchangah thuchhuah la siam thar lo mah se, kar hmasa lam ai chuan hma a sawn nia sawi a ni a, mahse Cardio-thoracic Centre-a Intensive Care Unit (ICU)-ah dah chhunzawm a la ni. 

Kum 93 mi, BJP hruaitu hi June 11 khan a kal ṭha lo leh awm na avangin damdawi-inah hian dah luh a ni. Vajyapee hi zunthlum natna nei a ni a, a kal hi pakhat zawk chauhin hna a thawk a ni. Kum 2009 khan a stroke a, hei hian a chetvel kawngah harsatna a siam a, dementia pawh a nei nia sawi a ni bawk.