July 18 aṭangin Parliament Monsoon Session nei dawn

Parliament Monsoon Session chu July 18 aṭangin neih ṭan a ni dawn a, hnathawh hun hi ni 18 chhung tur niin August 10, 2018 thleng neih a ni ang.

Home Minister Rajnath Singh-a kaihhruai Cabinet Committee of Parliamentary Affairs (CCPA) chuan Thawhṭanni khan meeting neiin session neih hun tur hi a rawt a ni.

Session neih turah hian sorkar laipui chuan Constitution (123rd) Amendment Bill, 2017 pass hman ngei a tum a, hei bakah hian Triple Talaq leh Transgender bill pawh pharh tum a ni bawk.

Nikum-a Parliament monsoon session neih kha session neih tawh zingah rorel mumal thei loa an buai nasat ber zinga mi a ni. Ṭum 19 rorel niin, hemi chhung hian lower house-ah legislation 14 pass a ni a, heng zingah hian Banking (Amendment) Bill pawh a tel.