Hmeichhe tana ram hlauhawm ber India

Thomson Reuters Foundation-in survey a neiha a lan danin India chu hmeichhiate tana khawvela ram hlauhawm ber a ni. Nimin khan poll result hi a tichhuak a ni.

India chu hmeichhiate tana ram hlauhawm ber nia sawiin, a hnuaiah hian tualchhung indo thlen rengna Afghanistan leh Syria te an awm. Somalia leh Yemen ramten an dawt leh bawk.

Hmeichhiate kaihhnawih thil hrang hrang chu global expert 548-te zawh niin, heng zinga 43-te chu India rama mi an ni. Midangte chu Europe, Africa, America, South East Asia, South Asia leh Pacific ami te an ni. Heng mite hi March 26 leh May 4 inkar khan hmaichhan leh telephone hmangtein zawhna hi zawh an ni.

Healthcare, economic resource leh discrimnation, customary practices, sexual violence, nonsexual violence, leh human trafficking chungchanga hmeichhiate dinhmunte zawh an ni. Heng zawhna hrang hrang zingah hian India ram chu hmeichiate tana human trafficking, sexual violence leh sakhua leh hnam tihdan phung kaihhnawihna hmeichhiate tana hmun ṭha lo ber nia sawi a ni.