Farm law report tlangzarh turin SC panel member-in phut

Supreme Court-in farm law chungchang zirchiang tura committee a dina member, Anil Ghanwat chuan Chief Justice of India NV Ramana hnenah committee-in farm law chungchanga report a thehlut tawh chu mipuite hriat tura tlangzarh turin a ngen.

Member pathum awmna committee hian kumin March 19 khan Supreme Court-ah report hi an thehlut tawh a, September 1 khan Ghanwat hian report hi tlangzarh turin CJI hnenah pawh ngenna a lo siam tawh a n. Mahse tun thlengin report hi tlangzarh a la ni lo.

Chief Justice hnena lehkha a thawnah, Ghanwat chuan sorkar laipuiin farm law-te hi a sut leh dawn avangin report an thehlut pawh hi a ṭangkai tawh lo a, mahse farm law duh lohna lantira hun rei tak nawrh huaihawt, loneitute chu mi ṭhenkhatin an rilru an hruaikawi sak tih hriat a nih theihna turin report hi tihchhuah a, inzirna atana hman a ngai a ni, a ti.