Sorkarin in nuai 3.61 sakna tur pawm

Sorkar laipui chuan Pradhan Mantri Awas Yojana (Urban) scheme hnuaiah state leh union territory 17-ah in nuai 3.61 sak tharna tur a pawm.

Thawhlehnia union housing and urban affairs secretary Durga Shanker Mishra kaihhruaia Central Sanctioning and Monitoring Committee (CSMC) meeting-ah in sakna tur hi an pawm a ni.

Union Housing and Urban Affairs Ministry chuan he scheme hnuaiah hian in vaibelchhe 1.14 sakna tur pawm a ni tawh tih sawiin, heng zinga nuai 52.5 chu sak zawh a ni tawh a, a dawngtu tur hnenah hlan an ni tawh a ni. He scheme atan hian sorkar laipui chuan cheng vaibelchhe nuai 7.52 dahin, cheng vaibelchhe nuai 1.13 pek chhuah a ni tawh.

In nuai 3.61 sakna tur atan hian state leh union territory-te chu harsatna awm theite chingfel vat a, a rang thei anga hna thawh ṭan dan tur ngaihtuah turin hriattir an ni.

Pradhan Mantri Awas Yojana (Urban) hi sorkar laipuiin urban area-a cheng mi retheite chenna in tur sakna tura a duan niin kum 2022, March 31-ah in hi vaibelchhe hnih sak hman a tum a ni.