December-ah Sputnik Light vaccine pek chhuah hman tum

Russian Direct Investment Fund (RDIF) CEO Kirill Dmitriev chuan Russia siam, Sputnik Light Covid-19 vaccine chu December thlaah India ramah pek chhuah hman tum a nih thu a sawi.

One-shot Sputnik Light vaccine hi clinical trial neih mek a ni a, India ramah pek chhuah theih a nih hnuah RDIF nen inremna an siam angin Hyderabad-a hmunpui nei, Dr Reddy's Laboratories chauh chu a semchhuak theitu a ni ang.

RDIF chuan Sputnik Light vaccine hian Covid-19 inkaidarh awl tak, Delta variant lakah 70% velin a veng niin thla hmasa khan a lo sawi tawh a ni. He data hi mi 28,000-tea enchhinna an neih aṭanga siam an nih thu a sawi bawk.