NCW in survey result a hnawl

National Commission of Women (NCW) chuan Thomson Reuters Foundation-in survey a neihah, India ram chu hmeichhiate tana hmun him lo, hmun hlauhawm ber nia a tarlan chu a hnawl.

Foundation hian Europe, Africa, America, South East Asia, South Asia leh Pacific a expert 550 velte chu hmeichhiate dinhmun chungchanga zawhna hrang hrang zawtin, report hi a siam a ni. Survey an neih aṭang hian hmeichhiate ten pawngsual leh mipat hmeichhiat lam hawia khawih an tawh nasatna ram, hmeichhe tana ram him lo ber niin a tarlang a ni.

Mahse NCW chuan he survey hi a pawmtlak lo niin a sawi a, India rama mi tluklehdingawn 1.3 vel te dinhmun chu mi tlemte ngaihdan lak aṭanga siam theih a ni lo, a ti. India ram chu ram dang tam tak aiin hmeichhiate dikna chanvo kenkawh kawngah a sang a ni, a ti.

NCW acting chairperson Rekha Sharma chuan, "India rama hmeichhiate chuan an dikna chanvo leh legal system-te an hrechiang a ni. Survey neiha India aia an dah chungnun zawk ram tam takah chuan hmeichhiate chu vantlang hmaa thu an sawi pawh phalsak lohna ramte a ni", tiin a sawi.