Mallya-an 2016 aṭangin bank loan rulh tuma a beih a thu a sawi

Bank loan tam tham tak bat avanga ramdanga tlanchhe mek, sumdawng lian Vijay Mallya chuan a kum 2016 aṭang khan a bank loan bate hi ṭha taka rulh tumin a bei tih a sawi.

Vijay Mallya hian hemi chungchang hi a twitter-ah a tarlang a, a leiba rulh a tum leh tum loh chungchanga zawhna tam tak awm chu chhangin kum 2016 aṭang khan a loan ba te rulh tuma theihtawp a chhuah thu a sawi a ni. 

Central Bureau of Investigation (CBI) leh Enforcement Directorate (ED) chuan thil sual titu, an bank ba rulh tumna neilote lakah thubuai hi an siam ṭhin a, mahse a ni chuan 2016 aṭang khan a leiba rulh tum hian a bei a, Karnataka High court hnenah pawh engkim a hrilh a, hei hian rin ngam loh a nih loh zia a tilang a ni tiin a sawi. A ṭhian, MJ Akbar, tuna minister of state nilai ngei pawh hian a leiba rulh nan kum tam tak a la nei tih pawh a lo sawi tawh niin a tarlang bawk.