BSF sipai 10 chin hriat lohin awm

Border Security Force (BSF) hnuaia sipai 10 chu Nilaini-a West Bengal-a Bardhaman leh Jharkand-a Dhanbad rel station inkar special army train-a an chuan laiin an chin hriat lohin an awm. He rel hi Jammu and Kashmir-a Samba Sector pana tlan a ni a, rel-ah hian sipai 83 an chuang a ni.

Rel hi Mughalsari rel station-ah a din laiin sipai chuangte hi an inchhiar a, mi 10 te hi an kim lo tih an hrechhuak a ni. GRP Mughalsarai Sub Inspector Jitendra Kumar Yadav chaun sipai 10-te an awmna chin hriat loha an bo vang hian an commander chuan complaint a thehlut nghal a, hemi hnu hian police-te chuan an bo thu report siamin an chhui zui nghal tih a sawi.