Deve Gowda-a'n Lok Sabha inthlan neih hma ring

Prime Minister hlui leh Janata Dal (S) hruaitu HD Deve Gowda chuan Lok Sabha inthlanpui a hun aia hmaa neih a nih a rin thu a sawi.

Deve Gowda chuan Karnataka-a JDS-Congress ṭangrual sorkar lakluhnaa BJP ni lo party hrang hrang hruaituten an tel chungchangah, heng party te hi 2019 inthlanpuia an thawkho vek dawn tihna a ni chuang lo tih a sawi.

Delhi-a press conference a neihah hemi chungchang hi sawichhuakin, JDS hruaitu chuan BJP te hneh ngei tura third front din chu a thlawp thu a sawi. Non-NDA hruaitute chu meeting neihpui a tum thu a sawi bawk. Inthlanpui neih tur atana BJP inbuatsaih danah, a hun aia hmaa inthlan hi an sawn mai a rin thu a sawi a, July thlaa Parliament Monsoon session neih tur pawh tun sorkar hnuaiaa session neih tawpna ber tur a ni maithei a ni, a ti.