Kupwara-ah firfiak kaphlum

Jammu and Kashmir-a Kupwara district ramhnuaiah nimin zing khan security force-te'n firfiak pakhat an kaphlum.

Security force-te hian firfiak an awm thu an dawn avangin Trehgam ramhnuaia beihpui an thlak a, firfiakte nen inkapin pakhat an kaphlum a ni. Firfiak an kahhlum hi eng pawl mi nge tih erawh hriatchian a la ni lo thung.

Nimin vek khan Shopian district-a Ahgam-a army patrol chu grenade hmanga beih an ni a, sipai pakhatin hilam a tuar. Pawikhawihna thlenna hmun hi khar nghal a ni a, army patrol beitute hi man tuma zawn mek an ni.