Karnataka-in Covid-19 Relief Fund la hmang lo

Karatnaka sorkar chuan hripui leng mek dona tur, Covid-19 relief fund atan cheng vaibelchhe 267 hmu tawh mah se, May thla thleng khan he fund hi cheng khat pawh a la hmang chhuak lo. 

Hemi chungchang hi Bengaluru-based activist Narsimha Murthy-a'n Right to Information (RTI) Act hmanga a zawhfiahnaa hriat a ni. 

RTI atanga a lan danin, Chief Minister's Covid-19 Relief Fund-ah hian March 25 - May 19 inkar khan Rs 2,67,72,37,574 a lut tawh a, mahse heng pawisa hi hman an la ni lo. Hemi chungchang hi zawhchiannaah, sorkar chuan Covid-19 Fund chu emergency atan dah a ni tih sawiin, tunah chuan department hrang hrang fund hman a ni rih zawk niin a sawi. Mahse hei hian eptu pawl leh state mipute a tilawm lo hle. India ramah pawh mi sang telin an thihpui tawh hripui leng mek aia emergency lian zawk dang eng nge awm tiin sorkar an zawt leh a ni.