Uttarakhand-a hmaituamna vuah lo Thla 6 tan tir leh Rs 5,000 chawi tir theih

Uttarakhand sorkar chuan hri leng darh tur venna kawngah khuah­khirhna khauh taka kalpui a ni zel dawn tih sawiin,  puipunna hmuna hmaituamna vuah lote chu thla 6 thleng lungin tan tir an nih loh pawn Rs 5,000 chawi tir theih an nih thu a sawi. 

Epidemic Diseases Act (1897) tlawhchhanin Uttarakhand sorkar chuan an state-a hman turin he dan hi a siam a, India ram state zinga Epidemic Diseases Act (1897) mahni state mila siam danglamte zinga pathumna a ni.

Dan siam thara sec­tion 2 leh 3-ah hian Uttarakhand-a cheng, puipunnaa hmaituamna hmang lote chu thla 6 emaw Rs 5,000 emaw chawi tir theih an ni a, he dan hian midang hlata awm (social distancing), leh khunghran (quarantine) dan zawm lote chu a huam bawk a ni.

Kar liam ta Inrinni khan Governor Baby Rani Maurya chuan Utta­rakhand Epidemic Di­seases (Amendment) Ordinance, 2020, chu a pawm a, he dan hi Epidemic Diseases Act (1897) zulzuia siam a ni.