PM-in 'Mann ki Batt' vawi 46-na hmang

Prime Minister Narendra Modi chua thla tina radio show, 'Mann Ki Batt' programme a neih ṭhin chu nimin khan a ṭum 46-na a hmang.

Nimina PM-in radio-a thu a sawia a thu sawilan lar zualte chu -

•    India zalenna sualna kawnga Lokmanya Bal Gangadhar Tilak inpekna leh a thawh hlawk dante a sawilang.

•    Rae Bareli-a IIT professional pahnih, 'Smart Gaon' apps siamna tura an thiamna leh theihna hmangute a fak thu sawiin, he app-ah hian khaw chanchin kimchang te dah vek niin, hei hi 'digital revolution' a ni, a ti. Ramchhung hmun hrang hrang ṭhalai hlawhtling tak takte chanchin a hriat chuan chakna a pe ṭhin tih a sawi.

•    Poet lar tak thi ta, Neerajji chanchin sawichhuakin, beiseina leh inrintawkna neitua ni a, a lak 

aṭang hian zir tur tam tak a awm thu a sawi.

•    Zirlai pass tharte lawmpuina hlanin, tam tak chuan zirna sang zawk bei turin a ṭum khatna atan an khua an chhuahsan dawn tih sawiin, hlim taka awm tura a duh thu a sawi. ṭhian hlunte an hlut thu sawiin, ṭhian thar zawnna kawngah finna neih a ngaih thu a sawi.

•    Indonesia puka naupang tangte chhanchhuah an nih dante sawiin, khawvelin heng naupangte tan hian an ṭawngṭai sak a, he thil thleng hi dawhthei taka awm dan te, harsatna chinfel tura hmachhawn dante zirna zirlai pawimawh tak a ni, tiin PM chuan a sawi.