Law Commsision-in political party-te kawm dawn

Law Commission chuan Lok Sabha inthlanpui leh state Assembly inthlan a ruala buatsaih rawt chungchangah hian tunkar chhung hian political party hrang hrangte a kawm dawn.

July 7 leh 8-a meeting neih tura tel tur hian commission chuan recognised national party pasarih leh state party 59-te chu tel turin a sawm a ni. Hemi hma hian political party hrang hrangte chu a ngaihdan a lo zawt tawh bawk a, mahse tumahin chhanna an la pe lo a ni.

Election Commission-in national party-a a pawmte hi BJP, Congress, CPI, CPI(M), TMC, BSP leh NCP te an ni.

Lok Sabha leh assembly inthlan a ruala buatsaih rawtna hi sorkar laipui siam a ni. Sorkar chuan 'one nation, one election' kalpui hi Law Commission hnenah rawtin, kum 2019 aṭangin Lok Sabha leh assembly inthlan chu a rualin, mahse thawh hniha kalpui a rawt a ni. He ruahmanna siam hi kalpui a nih theihna turin state legislative term te chu a ṭul anga pawhsei leh tihtawi tura Constitution and the Representation of the People Act siamṭhat a rawt bawk.

Phase I in a huam tura rawtte hi kum 2021-a assembly inthlan neih ngaihnate an ni a, phase II-ah hian Uttar Pradesh, Gujarat, Karnataka, Delhi leh Punjab te huam telin, heng state-te hi Lok Sabha inthlan ruala inthlan buatsaih a nih theihnan assembly term pawhsei a ngai dawn thung a ni.