Mumbai-a lei chimah mi panga-in hliam tuar

Mumbai-a Andheri station-ah nimin khan lei a chim a, mi panga-in hliam an tuar.

Andheri station chhim lama lei, platform 7 -8 inkara mi hi nimin zing dar 7:30 vel khan a chim a, lei chim hian traffic pawh tibuaiin rel service pawh hun eng emaw chen a kaihhlak a ni. SV Road-a Gokhale lei hi nitin mi sing telin an zawh a ni.

Official-te chuan lei chim hi thenfai hna thawh nghal a ni tih an sawi a, a thenfai hna hi National Disaster Response Force, Mumbai leh railway police bakah Brihanmumbai Municipal Corporation (BMC) official-ten an thawk a ni. Thil awmdan enfiah tur hian officer-te pawh tirh nghal an nih thu Western Railway thupuangtu Ravinder Bhakar chuan a sawi bawk.